Падставай для такога рашэньня стаў той факт, што зладжаны пры канцы красавіка канцэрт у бары «Андэграўнд», адбыўся без узгадненьня з аддзелам ідэалёгіі Гарадзенскага гарвыканкаму. Падчас гэтага канцэрту адбыўся канфлікт — уладальніцы кавярні не спадабалася песьня «Твой бацька — фашыст» і яна вырвала ў Стаса мікрафон і выключыла сьвятло ў залі, сьведчаць журналісты «Беларускага Радыё Рацыя», якія прысутнічалі на канцэрце.
«Ведаю, што сам „парушальнік“ не атрымаў нават позвы, таму суд адбыўся безь яго. Прысудзілі штраф у 25 мільёнаў рублёў. Стаўленьне ўлады да культуры ў нас нагадвае мадэрнізаваны савок — адны законы замянілі іншымі, але той, хто ня згодны зь лініяй партыі ўсё адно будзе пакараны», — сказаў з гэтай нагоды парталу Tuzin.fm Стас Пачобут.
Гэта быў рэдкі канцэрт на Радзіме лідэра культавага гурту Deviation, які шэсьць гадоў таму пераехаў жыць у Санкт-Пецярбург. Стас прыцягвае пісаць песьні, летась ён прэзэнтаваў акустычны альбом «ТуняяДЗец», неўзабаве абяцае новы рэліз.
Tuzin.fm, фота Радыё Рацыя