«Беларуская мова — адна з унікальных асаблівасьцяў нашай краіны. І мы падумалі, што было бы добра, каб гурт пачуў яе», — заявілі арганізатары канцэрту з кампаніі «АртІнтэр Мэнэджмэнт». Прапануецца перакласьці песьню «Radioactive» — адзін з галоўных гітоў каманды з Лас-Вэгасу, які прынёс ёй «Грэмі-2014» у намінацыі «Найлепшае рок-выкананьне». Абіраць пераможцу будуць музыкі вядомага беларускага гурта (назва яго пакуль трымаецца ў сакрэце), якія запішуць беларускамоўную вэрсію. Аўтар найлепшага перакладу сустрэнецца з Imagine Dragons перад іхным канцэртам у Менску 22 студзеня ў «Чыжоўцы-Арэне».
Варыянты перакладу прымаюцца не пазьней за 20 сьнежня на адрас imagine.belarus@gmail.com
Imagine Dragons на сёньня адна з самых запатрабаваных рок-камандаў у сьвеце. Яны едуць у Беларусь з турам у падтрымку альбома «Smoke + Mirrors», які выйшаў сёлета ў лютым і адразу трапіў на 1-е месца гіт-парадаў ЗША, Вялікабрытаніі, Канады. Канцэрты туру прайшлі ўжо з аншлягамі ў Нямеччыне, Вялікабрытаніі ды іншых краінах.
Tuzin.fm